Инсталација на активен директориум на Windows Server 2008R2

   Во овој дел е разработен чекор по чекор процесот на инсталирање на директориумски сервиси под Windows серверска платформа. При тоа објаснета е постапката за инсталација на Windows Server 2008R2[1]. Кога на Windows сервер се инсталира сервис на Active Directory, тој станува доменски контролер. Серверот кој е доменски контролер е всушност главниот сервер на мрежата. Почнувајќи од Windows Server 2008 верзијата, па до најновата Windows Server 2012 верзија, воведена е нова терминологија со која за одредени функциоуналности на серверот се користи називот предефинирани улоги. Постојат повеќе вакви улоги: Active Directory Domain Services, Active Directory Certificate Services, Active Directory Federation Services, Active Directory Lightweight Directory Services, Active Directory Rights Management Services, споменати и во делот 2 - Преглед на Active Directory. Овде е објаснета инсталацијата на улогата Active Directory Domain Service, бидејќи таа е првата и основна улога која треба да се инсталира. По завршувањето на инсталацијата на Windows серверот, оваа улога се креира во функционалниот доменски контролер.

            Но, за да може да се почне со инсталирање на AD DS постојат одредени услови кои треба да бидат задоволени, дел од нив пред процесот на инсталација, а други за време на овој процес. Вакви услови се:

• да се инсталира Windows Server2008 R2,
• да се конфигурира TCP/IP и DNS мрежната конфигурација,   хард дискот на кој ќе се чува SYSVOL[2] мора да биде на локален диск на NTFS[3] и 
• AD бара DNS да биде инсталиран на мрежата, а доколку не е треба да се спрецифицира DNS сервер кој ќе биде инсталиран за време на AD DS инсталацијата.

            Дури по исполнувањето на овие услови, може да се започне со инсталирање на AD DS. Доколку не се располага со сервер, може да се користи виртуелна машина, на пример VMware Workstation. На неа ќе се инсталира соодветниот сервер, на пример Windows Server 2008R2, пошто ќе може потоа да се инсталира улогата AD DS.

   Windows инфраструкстурата овозможува два wizard-a, кои нѐ водат низ инсталациониот процес на Active Directory Domain Services (AD DS). Првиот wizard е Add Roles Wizard и до него се пристапува во Server Manager (десно од Start копчето на серверот). Преку него можат да се инсталираат и другите улоги на серверот, а не само AD DS, преку кликнување на Add Roles.

   Доделувајќи улоги на овој начин, следно се отвара еден информативен прозорец, како на сликата подолу:

   Со клукнување Next> на него се појавува прозорецот прикажан подолу, каде се избира соодветната посакувана улога. Притоа се прикажува и еден дополнителен екран со кој се известува за потребата од инсталирање на .NET Framework 3.5.1, што автоматски ќе се инсталира. Од улогите на следниот прозорец, во овој случај ја избираме улогата Active Directory Domain Services, која е основната улога која треба да се инсталира. 

   Откако ќе се одбере оваа улога, нема да може ниту една друга да се штиклира во тој момент, бидејќи е неопходно прво да се претвори серверот во доменски контролер, па дури потоа да се доинсталираат останатите улоги. Доколу се направи обид за инсталирање на некоја друга дополнителна улога, ќе се појави прозорецот од слика во продолжение.

   Со кликнување ОК, Next> и Next> соодветно на претходните два и на следен потврден прозорец, се појавува следен прозорец со копче Install, кој служи за потврда на инсталациониот процес. Тоа е прозорецот од следната слика.

   Со кликнување на копчето Install на претходниот прозорец, започнува инсталирањето на AD DS улогата, но пред неа се инсталира .Net Framework 3.5.1. По завршувањето на овој процес се појавува екранот даден на сликата вопродолжение, со што се прикажуваат резултатите од инсталацијата.

   По завршувањето на овој процес, серверот треба да се рестартира, за AD DS да станат активни и за овој сервер да се рестарира во мод на доменски контролер. Откако AD DS се успешно инсталирани, истите можеме да ги видиме во делот Roles во Server Manager-от, како на сликата подолу.

   Дополнителни информации можете да најдете овде видео за инсталација

---

[1] Се корсити од јули, 2009-та година

[2] Во Microsoft Windows, Sysvol е директориум кој зачувува на серверот копија од доменските јавни досиеја кои мораат да се делат за заеднички пристап и мултиплицирање на домен

[3] New Technology File System (NTFS) - заменува FAT датотечен систем како склоп на датотечен систем за Microsoft Windows оперативни системи